Bugungi kunda deyarli har bir ikkinchi kishi ofisda ishlaydi. Ofis maydoni odamlarning to'planishi, jamoat texnikasidan foydalanish, konditsionerlar va ochiq eshiklar tufayli elvizaklar, uzoq vaqt bir joyda o'tirib ishlash va boshqalar bilan ajralib turadi. Bularning barchasi ko'plab kasalliklarning paydo bo'lishiga olib keladi. Ushbu kasalliklar sizni bezovta qilmasligi uchun ularning ko'rinishini oldini olish kerak.
Oldini olish usullari
Ishdan ketishdan oldin ofis maydonini shamollating. Bundan tashqari, ish joyiga kelgandan so'ng ham amalga oshirilishi kerak.
Ko'p sonli odamlar ishlaydigan xonada har kuni quyidagi tozalashni amalga oshirish kerak: pollarni maxsus vositalar bilan yuvish, changni tozalsh, vaqtida axlatni to'kish.
Sizning ish joyingiz ham toza bo'lishi kerak. Kompyuter klaviaturasi mikroblarning eng ko'p to'planadigan joydir. Klaviaturani oyiga bir marta tozalash kerak. Bu barcha tugmachalrni mustaqil yoki maxsus xizmatdan fiydalangan xolda olib amalga oshirilishi mumkin. Tugmachalarr sovun eritmasida yuviladi va klaviaturaning qolgan qismidan yumshoq cho'tka bilan chang chiqariladi.
Ish kunini boshlashdan oldin stol sirtini, sichqonchani, ekranni va klaviaturani antibakterial salfetkalar bilan tozalash tavsiya etiladi.
Ofisga kelganda, hojatxonaga borilganda va ovqatlanishdan oldin qo'lingizni yuvishingiz kerak.
Agar siz ofisda bo'lsangiz yoki hamkasblaringizda allergiya yoki astma bo'lmasa, xonada Aroma chiroqidan foydalanishingiz mumkin. Evkalipt, Melissa, efir moyi patogen bakteriyalarni yo'q qilishga yordam beradi, shuningdek, kasal bo'lgan xodimlar uchun ingalatsiya vazifasini bajaradi.
Tayanch harakat sistemasi kasalliklari oldini olish uchun maxsus gimnastika qilish muhimdir. 10-15 daqiqa davom etadi, ish joyidan chiqmasdan amalga oshirilishi mumkin. Misol uchun, quyidagi mashqlarni bajarishingiz mumkin:
- boshni oldinga-orqaga-chapga-o'ngga buring;
- Barmoqlarni bir-biriga kiritib, qo'llarni yuqoriga ko'taring va bir necha marta cho'zing, asta-sekin nafas chiqarib qo'llarni pastga tushiring;
- belni tik tutib, qorin torting, so'ngra to'p kabi "shishiring", kamida 5 marta takrorlang;
- to'g'ri o'tirib, oyoqlarini ikki tomonga yoyib, oldinga egilib, qo'llaringiz bilan erga etib borishga harakat qiling.
Tushlik paytida yoki bo'sh vaqtingizda ofisdan chiqib ketishga harakat qiling. Tashqariga chiqing, 5 daqiqa toza havo nafas oling, hamkasblar bilan suhbatlashing. Vaziyatni o'zgartirish miyaning ish faoliyatini yaxshilashga yordam beradi.
Stress va psixologik muammolardan qochish uchun kun davomida kichik ijodiy vazifalarni bajaring. Misol uchun, ishlatilgan qog'ozni to'pga aylantiring va savatga ketma-ket 3 marta tushirishga urinib ko'ring. Agar savatchaga tushirolsangiz unda o'zingizni mazali yoki qo'shimcha dam olish daqiqalari bilan mukofotlaysiz.
Ko'zlaringizni dam olishga imkon beruvchi dasturni kompyuterga o'rnating. Dastur avtomatik ravishda ko'z uchun tanaffus yoki mashq qilish vaqti kelganini eslatadi.
Muallif: Clinics.uz
19137 
Batafsil...